വഴിയാത്ര -
ഇ.വി. കൃഷ്ണപിള്ള
മലയാളത്തിലെ പ്രമുഖ ഫലിത സാഹിത്യകാരനായിരുന്നു ഇ.വി കൃഷ്ണപിള്ള. നടന്‍, പത്രപ്രവര്‍ത്തകന്‍, അഭിഭാഷകന്‍, രാഷ്ട്രീയ നേതാവ് എന്നിങ്ങനെ വിവിധ മേഖലകളില്‍ തിളങ്ങിയ ബഹുമുഖ വ്യക്തിത്വമായിരുന്നു അദ്ദേഹം. 1894 സെപ്റ്റംബര്‍ 14ന് പത്തനംതിട്ട ജില്ലയിലെ അടൂരിന് സമീപം ഇഞ്ചക്കാട്ട് വീട്ടിലായിരുന്നു ജനനം. ചെറുപ്പത്തില്‍ തന്നെ അദ്ദേഹം സാഹിത്യവാസനകള്‍ പ്രകടിപ്പിച്ചിരുന്നു. സി വി രാമന്‍ പിള്ളയുമയുണ്ടായിരുന്ന സൗഹൃദം അദ്ദേഹത്തിന്റെ സാഹിത്യ താത്പര്യങ്ങളെ പരിപോഷിപ്പിക്കുന്നതില്‍ വലിയ പങ്കു വഹിച്ചിരുന്നു. ത്രിലോക സഞ്ചാരി, നേത്രരോഗി, എന്നീ തൂലികാനാമങ്ങളില്‍ ആനുകാലികങ്ങളില്‍ എഴുതിയിട്ടുണ്ട്. 1931-ല്‍ തിരുവിതാംകൂര്‍ നിയമസഭയിലേക്ക് തെരഞ്ഞെടുക്കപ്പെട്ടു. പ്രശസ്ത സിനിമാ നടനായിരുന്ന അടൂര്‍ ഭാസി ഇദ്ദേഹത്തിന്റ മകനാണ്.
പ്രധാന ആശയങ്ങൾ
• പണ്ടുകാലത്തെ യാത്രകളും അത്തരം യാത്രകൾ വഴി പടർന്നുപന്തലിച്ച സൗഹൃദവും ലോകപരിചയവും എല്ലാം വളരെ ഹൃദ്യമായി അവതരിപ്പിക്കുന്ന പാഠഭാഗം ആണ് വഴിയാത്ര.
• പങ്കുവെക്കൽ, മതസൗഹാർദ്ദത, പരസ്പര സഹകരണം എന്നീ മൂല്യങ്ങൾ ജീവിതയാത്രയിൽ സൂക്ഷിക്കേണ്ടതിന്റെ പ്രാധാന്യത്തെക്കുറിച്ച് പാഠഭാഗം വ്യക്തമാക്കുന്നു.
• പഴയ യാത്രകൾ സമ്മാനിച്ച നന്മയും മൂല്യബോധവും ആധുനിക കാലത്തെ യാത്രകൾക്ക് നൽകാൻ കഴിയുന്നില്ല എന്ന് വാസ്തവവും എഴുത്തുകാരൻ തുറന്നുകാട്ടുന്നു.
• ഓരോ കാലത്തെയും യാത്രകൾ അടയാളപ്പെടുത്തുവാൻ വേണ്ടി കാൽനടയാത്ര, തോണിയാത്ര, തീവണ്ടിയാത്ര, പുതിയ കാലത്തെ യാത്ര എന്നിവയെക്കുറിച്ച് പാഠഭാഗത്ത് വിശദീകരിക്കുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ